Tíðindasavn


 

IDA vitjar Føroya Verkfrøðingafelag

indsendt 18. aug. 2021 06.45 af Arni Petersen

Fríggjadagin 13. august 2021 var formaðurin í IDA, Thomas Damkjær Petersen og dagligi leiðarin í IDA Carl Aage Dahl á vitjan í Tvørgøtu 3.

Endamálið við vitjanini var at tosa um eina samstarvsavtalu um gestalimaskap millum feløgini bæði. Henda avtala inniber at limir í einum av feløgunum kunnu fara til hitt landið og gerast gestalimir um teir eru í fyribils ella í starvi styttri enn 2 ár. Um ein limur úr t.d FVF fer í starv í Danmark kann hann ígjøgnum sín limaskap í FVF gerast gestalimur í IDA og fáa teir sosialu og fakligu ágóðar sum IDA hevur at bjóða. Sama er galdandi um IDA limur kemur til Føroya. Avtalan var gjøgnumgingin og skulu nakrar smærri tillagingar gerast áðrenn hon verður undirskriva. 

Eftir fundin fyrrapartin varð farið út á Fróðskaparsetur Føroya har vit ótu frokost og Bárður A. Niclasen undirvísingarleiðari í verkfrøði greiddi frá um verkfrøðingaútbúgvingarnar sum Fróðskaparsetur Føroya bjóðar út.

Síðani varð farið niðan á Glasir har Egon Øregaardvísti, tekniskur leiðari vísti bygningin fram og fortaldi um tær útbúgvingar sum húsast har.  

At enda varð farið inn í Eysturoyartunnilin har Einar Brimnes verkfrøðingur í RÀÐ fortaldi og vísti okkum tunnilin, pumpuskipanina og tær teknisku installatiónir sum eru í hesum tunnili. 

Ađalfundurin hjá Føroya Verkfrøđingafelag 2021

indsendt 14. mar. 2021 09.54 af Arni Petersen


Føroya Verkfrøðingafelag hevði aðalfund í hølum felagsins leygardagin 13.mars. Fundurin varđ eisini stroymdur, so limir iđ ikki høvdu møguleika at koma til Havnar á fund høvdu møguleika at fylgja viđ á internetinum.

Farna áriđ hevur veriđ merkt av korona støđuni á tann hátt at tađ hevur veriđ trupult at savnast tiltiltøk. Árliga ólavsøkuhaldi var tó eitt undantak har 50 gestir vóru á gátt.

Føroya Verkfrøđingafelag hevur avtalu við donsku heimasíðuna Ingeniøren (www.ing.dk), so limir í felagnum hava atgongd til alt innihaldið á síðuni. 
Sum nakađ nýtt er í ár eisini gjørd avtala um at limir og arbeiđspláss hjá limum kunnu fáa munandi avsláttur á hald av PRO-medier hjá Ingeniøren. PRO-medier eru meira fakliga málrættađir tíđinda og vitanarportalar innan verkfrøđingayrkiđ.

Á aðalfundinum vóru Gunn Hanusardóttir Møller, Súsanna Berg og Bjarni Petersen vald í nevndina. Albert Pætursson var vald sum tiltakslimur. 

Eftir aðalfundin skipaði stýriđ seg við Arna Petersen sum formanni, Lovisu Petersen Glerfoss sum næstforkvinnu, Gunn Hanusardóttir Møller sum skrivara, Bjarna Petersen sum kassameistara, Súsannu Berg sum nevndarlimi og Albert Pætursson og Óluvu Vang sum tiltakslimum. 

Stýriđ í Føroya Verkfrøđingafelag. Aftara rađ f.v. Gunn Hanusardóttir Møller, Súsanna Berg, Lovisa Petersen Glerfoss, Óluva Vang. Fremra rađ f.v. Albert Pætursson, Arni Petersen, Bjarni Petersen.

Stýriđ vil seta fokus á verkfrøðiyrkiđ.
Við at skapa eitt fakligt rúm fyri verkfrøðingar við ymiskum fakligum tiltøkum, fáa limir møguleika at luttaka og at byggja góð netverk við aðrar verkfrøðingar í landinum. Møguleiki er eisini hjá føroyskum verkfrøđingum sum eru búsitandi uttanlands og verkfrøđingum sum starvast innan onnur sáttmálaøki í Føroyum at gerast atknýttir limir í felagnum. Eisini er nú møguleiki hjá verkfrøđislesandi bæđi á Fróđskaparsetrinum og uttanlands at gerast limir í Føroya Verkføđingafelag

Aðalfundur hjá Føroya Verkføðingafelag 13.mars 2021

indsendt 10. mar. 2021 14.23 af Arni Petersen   [ opdateret 10. mar. 2021 14.28 ]



Aðalfundur hjá Føroya Verkfrøðingafelag verður í húsum felagsins í Tvørgøu 3, leygardagin 3. mars 2021 kl 16. 
Skráin til aðalfundin verður við støði í lógum felagsins:
* Vit seta framløgu av spurnarkanningini beint eftir framløguna frá stýrinum

a) Val av orðstýrara.
b) Val av skrivara til aðalfundin.
c) Frágreiðing frá stýrinum.

* Framløga av spurnarkanning
d) Framløga og góðkenning av grannskoðaðum roknskapi.

e) Viðtøka av fíggjarætlan og áseting av limagjaldi.
f) Viðgerð av uppskotum frá stýri ella limum
g) Val av stýrislimum og tiltakslimum.
h) Val av grannskoðarum.
i) Val av nevnd at skipa fyri uratkvøðu.
j) Ymiskt.


Allir limir hava fingið t-post við innkalling til aðalfundin 26. februar.

Ábit verður eftir fundin

Ynskir tú at gerast limur í Føroya verkfrøðingafelag trýst her!

Ingibjørg Berg sett sum aðalskrivari í AKF

indsendt 9. feb. 2021 15.20 af Arni Petersen   [ opdateret 9. feb. 2021 15.24 ]

Ingibjørg Berg


AKF hevur sett Ingibjørg Berg í starv sum aðalskrivari í felagnum. Aðalskrivarin kemur m.a. at taka sær av ráðgeving til limir felagsins og vera við til at menna AKF sum felag. 

Ingibjørg Berg er fødd í 1964 og útbúgvin stjórnmálafrøðingur. Hon hevur drúgvar royndir í politiskari fyrisiting og frá álitisstørvum. Ingibjørg var kommunustjóri hjá Tórshavnar kommunu 2009-2016. Síðani 2016 hevur hon havt egið virkið, ið veitir ráðgeving innan leiðslu, strategi og starvsfólkaviðurskifti.

Hon tekur við starvinum sum aðalskrivari 1. februar.


Aðalskrivarastarvið er eitt nýtt starv. Starvið er eitt parttíðarstarv. 15 umsøkjarar vóru til starvið.

Akademikarafelag Føroya (AKF) er yvirskipað samstarvsfelag fyri fakfeløg, hvørs limir hava akademiska útbúgving. Limafeløgini í AKF eru Magistarafelag Føroya, Føroya Verkfrøðingafelag, Føroya Byggifrøðingafelag, Arkitektafelag Føroya og Felagið Føroyskir Sálarfrøðingar. AKF varð stovnað í 2008 og umboðar áleið 550 limir.

AKF og FMR gjørt tríara semju fram til 1. oktober 2022

indsendt 9. dec. 2020 11.49 af Arni Petersen

Akademikarafelag Føroya hevur gjørt tríára sáttmála við Fíggjarmálaráðið. Sáttmálin er fyri tíðarskeiðið frá 1. oktober 2019 til 1. oktober 2022.

Mánaðarlønirnar hækka tann 1. oktober í 2019 við 2,56%, tann 1. januar 2021 við 2,05% og tann 1. oktober 2021 við 1,20%.

Semjan inniber, at bachelorstigin verður broyttur soleiðis at endalønin er lægri. Samstundis eru ásetingar um serfrøðingaviðbøtur og uppgávutengdar, tíðaravmarkaðar viðbøtur komnar inn í sáttmálan.

Í semjuni eru nýggjar ásetingar um arbeiði á fremmandum arbeiðsstaði, og ein mannagongd fyri meting av innihaldi og støði av útlendskum útbúgvingum.

Aðalfundurin 3. juni 2020

indsendt 4. jun. 2020 15.11 af Arni Petersen   [ opdateret 4. jun. 2020 15.17 ]

Føroya Verkfrøðingafelag hevði aðalfund í hølum felagsins mikudagin 3. juni. Fundurin var merktur av korona støðuni, og limir høvdu tí eisini møguleika at fylgja við fundinum á internetinum.
Rættiliga nógv virksemi hevur verið hetta árið. Skipað var fyri einum politiskum valfundi um samferðslu og orkuviðurskifti, umframt at fleiri faklig tiltøk hava verið kring landið fyri limirnar.

Avtala er eisini gjørd við donsku heimasíðuna Ingeniøren (www.ing.dk), so limir í felagnum nú hava atgongd til alt innihaldið á síðuni.

Á aðalfundinum vóru Arni Petersen og Lovisa Petersen Glerfoss vald í nevndina, og Óluva Vang var vald sum tiltakslimur.

Eftir aðalfundin skipaði nevndin seg við Arna Petersen sum formanni, Lovisu Petersen Glerfoss sum næstformanni, Fríðriki Heinesen sum skrivara, Bjarna Petersen sum kassameistara, Súsannu Berg sum nevndarlimi og Albert Pætursson og Óluvu Vang sum tiltakslimum.
Nevndin ætlar at seta fokus á verkfrøðiyrki. Við at skapa eitt fakligt rúm fyri verkfrøðingar við ymiskum fakligum tiltøkum, fáa limir møguleika at luttaka og at byggja góð netverk við aðrar verkfrøðingar í landinum. Tískil var eisini latið upp fyri á aðalfundinum, at verkfrøðingar, ið arbeiða innan onnur sáttmálaøki, og verkfrøðingar, ið arbeiða uttanlands, kunnu hava ein atknýttan limaskap í felagnum, har høvið er at luttaka til sosial og faklig tiltøk í felagnum. Meiri fast at vita um hendan møguleikan, við at venda sær til felagið.

Útsetti aðalfundurin

indsendt 3. jun. 2020 05.59 af Arni Petersen

Útsetti aðalfundurin hjá Føroya verkfrøðingafelag verður mikudagin 3 maj kl 16 í húsum felagsins í Tvørgøtu 3. Fundurin verður eisini stroymdur á internetinum. Allir limir hava fingið leinkju har til ber at fáa atgongd til stroymingina.

Aðalfundur útsettur!

indsendt 14. mar. 2020 04.56 af Arni Petersen

Grunda íkomnu støðuna við Corona virus verður aðalfundurin sum varð lýstur at verða 21. mars, 2020, útsettur.

Kunna verður seinni við t-post, facebook og á heimasíðu felagsins nær aðalfundurin verður.  

Pallborðsfundur um verkfrøði og tøkni í Føroyum í 2019

indsendt 20. aug. 2019 05.52 af Arni Petersen

Hósdagin 22. august  kl 16-18 skipar Føroya verkfrøðingafelag fyri pallborðsfundi í Smæruni, J.C. Schrøtersgøta 6, Tórshavn. Umboð fyri allar politiskar flokkar taka lut.

Til umrøðu verða evnini: samferðsla og orka.
 
Endamáli við fundinum er at varpa ljós á og birta uppundir kjak um verkfrøði og tøkni í Føroyum. Fundurin verður skipaður við 2 stuttum framløgum og eftirfylgjandi pallborðskjaki. Høvi verður hjá áhoyrarum at seta spurningar
 
Orðstýrari verður Uni Arge.

Øll við áhuga fyri verkfrøði og tøkni eru vælkomin!

Opið hús Ólavsøkuaftan

indsendt 25. jul. 2019 10.30 af Súsanna Berg

Aftur í ár verður opið hús í Verkfrøðingahúsinum í Tvørgøtu 3 frá kl 14:00, har felagið bjóðar til ein bita við onkrum góðum afturvið.

Stýrið vónar at síggja nógvar limir - og verkfrøðilesandi við familju til hetta hugnaliga tiltak.
 
Vinarliga
FVF /Stýrið

1-10 of 29